ՆՊԱՏԱԿ
Տրամադրել հաճելի եւ ապահով միջավայր մը, ուր հայ երեխաներ, ամրան արձակուրդի շրջանին, կարենան զարգացնել իրենց ընկերային, ֆիզիքական եւ մտային կարողութիւնները՝ հայկական ապահով շրջանակի մը մէջ։
ՊԱՏՄԱԿԱՆ
+ «Արարատ» ճամբարը հիմնուած է 1971-ին, Հ.Օ.Մ-ի Ծաղկոցի եւ Սուրբ Յակոբ ամէնօրեայ վարժարանի հիմնադրութենէն առաջ։
+ Առաջին ամրան ընթացքին իսկ՝ շաբաթական արձանագրուողներուն թիւը եղած է մօտ 90 երեխայ։
ԳՈՐԾՈՒՆԷՈՒԹԻՒՆ
+ «Արարատ» ճամբարը կը գործէ 7 շաբաթ, Յուլիս-Օգոստոս ամիսներու ընթացքին։
+ Աշակերտութեան տարիքը 5-էն մինչեւ 14 տարեկան է։
+ Արձանագրութիւնները կ՚ըլլան շաբաթական դրութեամբ, եւ միջին ներկայութիւնը կը հասնի մօտ 90 երեխայի։
+ Երեխաները բաժնուած են չորս խումբերու, ըստ տարիքի, եւ կը մասնակցին ճոխ յայտագրի մը՝ իրենց վարիչներու առաջնորդութեամբ։
+ Ընդհանուր գործունէութիւնը եւ երեխաներու հսկողութիւնը կը հոգան տնօրէնուհին, վարիչներ, օգնական վարիչներ եւ քարտուղարուհի մը, ընդամէնը մօտ 20 հոգի։
+ Ճամբարի առօրեայ ծրագրին մաս կը կազմեն գիտական եւ մարզական խաղեր, ձեռարուեստի աշխատանքներ, հայ մշակոյթի տրամադրուած պահեր, ինչպէս նաեւ շաբաթական երկու դաստիարակչական պտոյտներ՝ Մոնթրէալի մէջ կամ մօտակայ տեսարժան վայրեր։
ԵԿԱՄՈՒՏԻ ԱՂԲԻՒՐՆԵՐ
+ Կառավարական նպաստ,
+ Ս. Յակոբ Մայր Եկեղեցւոյ Հոգաբարձութիւն,
+ Ծնողներու վճարումներ
+ Նուիրատուութիւններ։
Յաւելեալ տեղեկութիւններու համար դիմել՝
Հեռաձայն՝ 514 332 1373 x228
Հեռապատճէն՝ 514 331 8552
Ե-նամակ՝ camp.ararat@campdetesourphagop.com
Կայքէջ՝ campdetesourphagop.com
